Pirşağı qəsəbəsində ölümlə nəticələnən yol-nəqliyyat hadisəsi baş verib

Binəqədi rayonunun Pirşağı qəsəbəsi ərazisində yolu keçən Bakı şəhər sakini Aslan Məmmədov Sumqayıt şəhər sakini K.Əliyevin idarə etdiyi “Opel” markalı avtomobillə vurulub.

Daxili İşlər Nazirliyinin mətbuat xidmətindən Minval.info-ya verilən məlumata görə, hadisə nəticəsində piyada müxtəlif xəsarətlərlə xəstəxanaya yerləşdirilib. Lakin həkimlərin səylərinə baxmayaraq, A.Məmmədovun həyatını xilas etmək mümkün olmayıb.

Hadisə ilə bağlı Binəqədi Rayon Polis İdarəsi tərəfindən araşdırma aparılır.