PSJ Ronaldonu transfer etmək istəyir – Fantastik qiymət

“Paris Sen-Jermen” Kriştiano Ronaldonu heyətinə qatmaq istəyir. 

Minval.info xarici KİV-ə xəbər verir ki, Paris klubu “Real”ın portuqaliyalı ulduzuna illik 45 milyon avro maaş təklif edir. İspaniya klubuna isə bu transfer üçün maksimum 150 milyon avro təklif ediləcək. Amma futbolçunun “Real”- la müqaviləsindəki 1 milyard avroluq sərbəst qalma maddəsi fransızların qarşısında sədd çəkir.

PSJ rəhbərliyi öz heyətində Neymar-Mbappe-Ronaldo üçlüyünü görməyi arzulayır. Məlum olduğu kimi, “Real” da Neymarı transfer etmək istəyir. PSJ rəhbərliyi narahatdır ki, Ronaldonu alacaqları halda “Real”ın Neymarı transfer etmək şansı artacaq. Beləliklə, hər iki komanda güclü bir transfer bombası partlatsa da, digər bir ulduzunu itirə bilər.

Minval.info