Putinlə görüşüb Ərdoğana zəng etdi: “Ən yaxşı şans…”
Avstriya Kansleri Karl Nehammer Türkiyə Prezidenti Rəcəb Tayyib Ərdoğanla telefon danışığı ilə bağlı açıqlama verib.
“Minval.info” Teleqraf.com-a istinadən xəbər verir ki, kansler Moskvaya səfəri ilə bağlı Prezident Ərdoğanı məlumatlandırdığını deyib.
“İstanbul prosesinin Ukraynada sülh üçün ən yaxşı şans olması ilə bağlı həmfikirik”, – Nehammer bildirib.
Kansler Avstriyanın fəal neytrallıq siyasəti ilə daim sülhə töhfə verəcəyini də vurğulayıb.
Karl Nehammer aprelin 9-da Ukraynanın paytaxtı Kiyevə səfəri çərçivəsində müxtəlif görüşlər keçirərək, başda Buça olmaqla, müharibənin davam etdiyi yerlərdə müşahidələr aparma fürsəti tapıb.
Nehammer Kiyev səfərindən sonra – aprelin 11-də Moskvaya gedib və burada Rusiya Prezidenti Vladimir Putinlə görüşüb və ikitərəfli görüşün çətin keçdiyini bildirib.