Qədim Misir mumiyasının içində uşaq meyiti tapıldı
XX əsrdə Misirdə tapılan sirli şahin mumiyasının içindən uşaq meyiti çıxıb.“Ölkə.Az” xəbər verir ki, 2 min il yaşı olan mumiyanın içində quş cəsədi yox, anensefaliyadan, yəni beyinsizlikdən əziyyət çəkən, ölü doğulan körpə meyiti var imiş.
Londonun Qərbi Ontario universitetinin alimi Endryü Nelson kəşflə bağlı deyib:
“Belə bir xəstə övladın ölü doğulması ailəsi üçün böyük faciə olub. Bu səbəbdən onu belə bir talismanla mumiyalayıblar”.
Alimlərin fikrinə görə, qədim misirlilər 4 min il əvvəl mumiyalamanı öyrəniblər. Bir qayda olaraq Misir fironlarının sərdabələrində təkcə öz meyitləri yox, sevimli heyvanalarının, arvadlarının, düşmənlərinin, hətta ehtiyat qidaların da mumiyasına rast gəlmək mümkündür.
Bu yaxınlarda isə alimlər müəyyən ediblər ki, misirlilər o dünyaya səyahət üçün ət ehtiyatı da hazırlayıblar. Milyonlarla heyvan mumiyası olan qəbirsanlıq da tapılıb.
XƏBƏR LENTİ
2025/11/19 14:22