Qəzaya uğrayan qırıcının pilotu “Şahinlər” filmində – VİDEO
Hərbi Hava Qüvvələrinin MiQ-29 təyyarəsinin Xəzər dənizində qəzaya uğraması nəticəsində itkin düşən pilot polkovnik-leytenant Rəşad Atakişiyevin videosu yayımlanıb.
Görüntülər ötən ilin oktyabrında Real TV-də yayımlanan “Şahinlər” filmindəndir.
Filmdə iştirak edən pilotlardan biri də R.Atakişiyevdir. O, idarə etdiyi qırıcı ilə havada təhlükəli manevrlər edib.
Qeyd edək ki, hadisə iyulun 24-də saat 22:00 radələrində plana uyğun olaraq gecə vaxtı təlim-məşq uçuşları keçirən zaman baş verib. MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib.
Pilotun axtarışı həyata keçirilir.
Faktla bağlı cinayət işi açılıb. Hərbi Prokurorluqda qurumun təcrübəli və peşəkar işçilərindən ibarət istintaq qrupu yaradılıb. Hərbi Prokurorluğun rəhbərliyi də istintaq qrupu ilə birlikdə hadisə yerinə gedib.
R.Atakişiyev sabiq dövlət müşaviri Qabil Hüseynlinin kürəkənidir.