“Qalatasaray” braziliyalı hücumçunu rənglərinə qatmağa hazırlaşır

Türkiyənin “Qalatasaray” fubol klubu braziliyalı hücumçunu rənglərinə qatmaq fikrinə düşüb.

Minval.info xəbər verir ki, bitiricilik mövqeyində oyunçu qıtlığı yaşayan “sarı-qırmızılılar” Braziliya çempionatında top qovan Leandro Damiao ilə maraqlanır.

İnternasional klubunda kirayə olaraq forma geyən 29 yaşlı futbolçu 26 matçda 10 qola imza atıb.

Məlumata görə, “Qalatasaray” hücumçunu transfer etməkdə israrlıdır.

Qeyd edək ki, L.Damiao rəsmi olaraq “Santos” klubunun futbolçusudur.