“Qalatasaray” dünya ulduzu üçün rəsmi təklif göndərdi

Minval.İnfo xəbər verir ki, İstanbul klubunun rəsmiləri “Yuventus” rəhbərliyi ilə görüşərək Kvadvo Asamoah üçün rəsmi təklifi irəli sürüb.

“Qalatasaray” uzun müddətdi Asamoahı heyətinə qatmağa çalışır. Hətta yayda keçid böyük ölçüdə razılaşdırılsa da, son anda baş tutmamışdı. Fatih Terimin də razılığından sonra rəhbərlik prosesi sürətləndirib.

Görüşdə “Yuventus” tərəfini klubun idman direktoru Fabio Paratik təmsil edib. Tərəflər yaxın günlərdə yenidən görüşərək müzakirələri davam etdirəcək.

Qeyd edək ki, Kvadvo Asamoah “Yuventus”a 2012-ci ildə “Udineze”dən 18 milyon avroya transfer olunub.