“Qarabağ” bolqarıstanlı oyunçu ilə yollarını ayırıb – RƏSMİ

“Qarabağ” klubu futbolçusu Simeon Slavçevlə yollarını ayırıb.

“Report” klubun rəsmi saytına istinadən xəbər verir ki, 26 yaşlı yarımmüdafiəçi ilə müqaviləyə qarşılıqlı razılaşma əsasında xitam verilib.

Qeyd edək ki, Simeon Slavçev 2018-ci il iyulun 5-də “Qarabağ”a keçib. Bolqarıstanlı oyunçu ilə 3 illik müqavilə imzalanmışdı.