Qazaxıstanlı milyarder Şuşadakı məscidi bərpa etmək istəyir – FOTOLAR

Qazaxıstandan olan milyarder Kayrat Boranbaev Şuşa məscidi bərpası üçün ianə ayırmaq arzusunu bildirib.

Minval.info xəbər verir ki,  PRESSDAY.az xarici mediaya istinadən verdiyi məlumata görə, bu haqda IdeA fondundan məlumat verilib.

Qeyd edək ki, qazaxıstanlı milyarderin bərpasına ianə ayırmaq istədiyi Yuxarı Gövhərağa məscididir.

Bu məscidi 1883—1884-cü illərdə, yəni Aşağı Gövhər ağa məscidindən təхminən səkkiz il sonra Gövhər ağanın vəsaiti hesabına memar Kərbəlayı Səfixan Qarabaği tikib.

Onu da qeyd edək ki, Dağlıq Qarabağdakı separatçı rejim bu məscidin bərpasına maraqlı olduqlarını gizlətməyiblər.

Onların fikrincə, bu layihə həm regionun və Şuşanın tarixi-mədəni irsi təqdim etməyə imkan verəcək, həm də qondarma “Dağlıq Qarabağ Respublikası”nın turist xəritəsində yeni mərkəz yaradacaq.