Qonşusunu bıçaqlayan cinsi azlıq nümayəndəsinə hökm oxundu
Qonşusunu bıçaqlamaqda təqsirləndirilən cinsi azlıq nümayəndəsinin məhkəməsi baça çatıb.
O, məhkəmədə hadisəyə səbəb qonşusunun onunla cinsi əlaqədə olmaq istəməsinin olduğunu bildirib.
Musavat.com xəbər verir ki, Bakı Ağır Cinayətlər Məhkəməsində qəsdən sağlamlığa ağır xəsarət yetirməkdə təqsirləndirilən 1996-cı il təvəllüdlü İslamov Kamran Arif oğlunun cinayət işi üzrə məhkəmə prosesi başa çatıb.
Hakim Rasim Sadıqovun sədrliyi ilə keçirilən prosesdə hökm oxunub. Hökmə əsasən K.İslamov 3 il müddətinə azadlıqdan məhrum edilib
Təqsirləndirilən Kamran İslamov cinsiz azlıq nümayəndəsidir və özü də bunu etiraf edib.
Zərərçəkmiş şəxs Kamran İslamovun qonşusu Murad Həsənovdur. O, hadisənin baş vermə səbəbi kimi Kamranın atasına olan 50 manat borca görə başlayan mübahisəni göstərib. Kamranın atası da bu məzmunda ifadə verib.
Bildirək ki, Kamran məhkəmədə qonşusu Vüqarın onu zorlamaq istədiyini, etiraz etdikdə isə yaxınlarının ünvanına təhqirlər işlətdiyi üçün onu vurduğunu demişdi. Sonra isə ifadəsini dəyişərək 50 manat borc üstündə başlayan mübahisəni səbəb göstərmişdi.
O, ilk məhkəmədə yalan danışdığını və yalnız qoşusunun dediklərinin həqiqət olduğunu bildirib.
K.İslamova qarşı bir neçə il əvvəl, azyaşlı olarkən seksual hərəkətlər edilib. Bununla bağlı cinayət işi açılıb. K.İslamov deyib ki, sonra həmin cinayət işi bağlanıb.
Qeyd edək ki, K.İslamov Cinayət Məcəlləsinin 126.1-ci (qəsdən sağıamlığa ağır zərər vurma) maddəsi ilə ittiham edilir. Bu onun ilk məhkumluğudur.
İ.Muradov
Musavat.com