Qurban Qurbanovun baş məşqçiliyi ilə komandamız növbəti oyununa çıxıb

Antalyanın “Mardan” stadionunda Azərbaycan və Makedoniya milli komandaları arasında keçirilmiş beynəlxalq yoldaşlıq görüşü başa çatıb.

Minval.İnfo Oxu.Az-a istinadən xəbər verir ki, matç 1:1 hesabı ilə başa çatıb.

Hesabı beşinci dəqiqədə yarımmüdafiəçimiz Riçard Almeyda açıb. O, sərrast penalti zərbəsi ilə topu rəqibin qapısından keçirib.

21-ci dəqiqədə isə hakim komandamızın qapısına penalti təyin edib. Traykovski hesabı bərabərləşdirib.

Milli komanda bundan əvvəl Bakıda Belarusa qarşı keçirdiyi yoldaşlıq matçında məğlub olmuşdu.