Ərdoğan “millətimiz tamam deyərsə, gedərəm” dedi, gənclər “tamam” kampaniyası başlatdı

Türkiyə prezidenti Recep Tayyip Erdoğanın “Əgər bir gün millətimiz “tamam” desə ancaq o zaman biz kənara çəkiləcəyik” sözlərindən qısa müddət sonra sosial mediada #TAMAM həştəqi dünya trendlərinin ın üst sıralarına çıxıb.

Twitterdə “TAMAM” mesajları bir neçə saat ərzində 1 milyondan çox insan tərəfindən paylaşılıb. Bir çox gənc “Tamam” sözlərinə mahnı bəstələyib.

Müxalifət partiyaları da sosial mediadakı dalğaya qoşulub “tamam” mesajları paylaşıb.

Prezident Erdoğanın dəstəkçiləri isə müxalifətdəkilərə “Erdoğan ilə DAVAM” (#DEVAM) həştəqi ilə cavab verib. Bu həştəq də qısa müddətdə dünya trendləri arasında üçüncü yerə çıxıb.

Prezidentliyə namizədlər Meral Akşener, Muharrem İnce, Temel Karamollaoğlu da Erdoğanın sözlərindən sonra “TAMAM” mesajları yazıb.

İstanbulda bir qrup insan “Tamam” şüarları ilə küçələrə çıxıb. Qrup hərkəsi “Tamam” deməyə çağırması ilə polis müdaxilə edib. Küçəyə çıxan 10 nümayişçi qısa müddət polis tərəfindən saxlanılıb, sorğu-sualdan sonra sərbəst buraxılıb (BBC).