“Real” 101 milyonluq ulduzu verib onu alır – Şok dəyişiklik

Bu mövsüm La Liqada uğursuz çıxış edən “Real” Premyer Liqanın bombardiri Harri Keyni heyətinə qatmaq üçün hərəkətə keçib.

Minval.info xəbər verir ki, “Kral Klubu” gənc futbolçu üçün “Tottenhem”ə 101 milyonluq ulduzunu təklif edib. İddialara görə, “Real” Harri Keynin qarşılığında Qaret Beyli İngiltərə vermək istəyir.

Harri Keyn hazırda bütün medianın, kubların diqqətini çəkməyi bacarıb. Atdığı qollar, oyun üslubu, qiyməti və komanda oyunu onu transfer etmək istəyənlərin sayını artırır.

Benzemanın gözdən düşməsi, azarkeşlər tərəfindən fitə basılması da bu transferi önəmi hala gətirir.

Qeyd edək ki, “Real” Beyli 2013-cü ildə “Tottenhem”dən 101 milyon avroya alıb.

Minval.info