Ronaldo “Real”ın prezidenti tərəfindən aldadıldığını düşünür

“Real”ın hücumçusu Kriştianu Ronaldo yayda klubunu dəyişmək istəyir.

Goal.az “As” nəşrinə istinadən xəbər verir ki, portuqaliyalı ulduz 2003-09-cu illərdə şərəfini qoruduğu “Manchester United”ə qayıtmaq fikrinə düşüb. Ronaldo bu barədə yaxın ətrafına danışıb. “Qırmızı şeytanlar” da artıq futbolçunun bu niyyətindən xəbərdardır.

Ronaldo klub prezidenti Florentino Perez ötən yaz onun məvacibini arıtrmağa söz versə də, buna əməl etməyib. 32 yaşlı forvardın məvacibi hazırda ildə 21 milyon avrodur. O, dünyanın ən ödənişli futbolçuları arasında 5-ci yerdədir.

Müqayisə üçün qeyd edək ki, Lionel Messinin məvacibi 50, Neymarın isə 36 milyon avro təşkil edir. Ronaldonun “Real”la müqaviləsi 2021-ci ilin yayında başa çatır.