Röya Ermənistanla sərhəddə yaşayan qazaxlı nənənin evini təmir etdirəcək – VİDEO

Xalq artisti Röya Ayxan Qazax rayonun Quşçu Ayrım kəndində videosu lentə alınan Əsmər Cəfərovanın evini təmir etdirəcək.

Minval.info xəbər verir ki, xalq artisti 75 yaşlı şəhid anasını ziyarət edib. Sözügedən qadının evində qonaq olan sənətçi onun evinin təmir xərclərini üzərinə götürüb.

Müğənni ilə Əsmər Cəfərovanın görüşündə yaşananlar barədə ifaçı yaxın günlərdə geniş açıqlama verəcək.

Qeyd edək ki, Qazax rayonun Quşçu Ayrım kəndində yaşayan və evinin təmirə ehtiyacı olduğunu deyən 75 yaşlı Əsmər Cəfərovanın görüntülərini bloqer Tural Yusifli paylaşmışdı.