“Rusiya bazasını ABŞ atəşə tutub” – Klintseviçdən açıqlama
ABŞ-ın iştirakı olmadan terrorçular Suriyada Rusiya aviabazasına hücum edə bilməzdilər.
Axar.az xəbər verir ki, bu sözləri Rusiya Federasiya Şurasının Təhlükəsizlik və Müdafiə Komitəsinin sədr müavini Frants Klintseviç Feysbuk hesabında yazıb. “Tam əminliklə deyə bilərəm ki, ABŞ-ın iştirakı olmadan terrorçular Rusiya aviabazasına hücum edə bilməzdilər. Burada onların birbaşa iştirakı, yaxud “xeyirxah neytral” mövqedə olmaları önəmli deyil” – Klitseviç bildirib. O, Suriya hökumətinin nəzarətində olan ərazilərə terrorçuların müdaxilə edə bilmədiyini əlavə edib. Qeyd edək ki, Rusiya Xarici İşlər Nazirliyinin sözçüsü Mariya Zaxarova dünənki açıqlamasında terrorçuların Latakiya beynəlxalq aeroportunu və Hmeymim aviabazasını raket atəşinə tutduğunu bildirmişdi.