Rusiyada faciəvi yanğının olduğu ticarət mərkəzinin direktoru həbs edildi – FOTO

Kemerovo məhkəməsi “Qış albalısı” ticarət mərkəzinin baş direktorunu həbs edib.

Minval.İnfo “Ölkə.Az”-a istinadən xəbər verir ki, Nadejda Suddenok 64 nəfərin həlak olduğu yanğına görə ittiham edilir. Məhkəmənin hökmü ilə Nadejda Suddenok 25 may tarixinə qədər polis nəzarətində olacaq.

Ticarət mərkəzinin direktoru isə məhkəmə iclasından əvvəl jurnalistlərə bildirib ki, əyləncə kompleksinin kino salonlarının qapısı bağlı olmayıb.
“Qapılar maqnit kilidli olub. Amma əməkdaşlar seans vaxtı qapını bağlamayıblar. Dəfələrlə olub ki, müştərilər seanslara gecikiblər. Amma onları salona buraxıblar. Qapılar heç vaxt bağlanmayıb”, – deyə Nadejda bildirib.

Onun fikrinə görə, qapıların mexanizmindəki texniki nasazlıq faciənin səbəb ola bilər.