Rusiyada gündəlik yoluxma sayı 20 mini ötüb

Rusiyada son sutkada daha 20 174 nəfər COVID-19-a yoluxub.

Bu barədə Rusiyanın Operativ Qərargahı məlumat yayıb.

Bununla da Rusiyada koronavirusa yoluxanların sayı 7 274 928 nəfərə çatıb.

Ölkədə virusdan ölənlərin sayı isə daha 793 nəfər artaraq 198 218-ə yüksəlib.

Rusiyada indiyədək koronavirusa yoluxan 6 498 682 nəfər sağalıb.

Rusiya koronavirusa yoluxan dövlətlərin sırasında ABŞ, Hindistan, Braziliya, Fransa və Türkiyədən sonra 6-cə yerdədir.