Rusiyada pandemiya qurbanlarının sayı 5 mini ötüb

Rusiyada son bir gündə daha 8863 nəfərə koronavirus diaqnozu qoyulub.

“Report” xəbər verir ki, bunu ölkənin Operativ Qərargahı açıqlayıb.

Bununla da Rusiyada COVID-19-a yoluxanların sayı 423741 nəfərə çatıb.

Ölkədə virusdan ölənlərin sayı isə 182 nəfər artaraq 5037-yə yüksəlib.

Bundan başqa, Rusiyada indiyədək koronavirusa yoluxan 186985 nəfər sağalıb.

Bildirilib ki, yeni yoluxmaların əksəriyyəti paytaxt Moskvada aşkarlanıb – 2286 nəfər.