Rusiyadan Azərbaycana qaçan şəxs güllələndi

Masallıda silahlı insident nəticəsində bir nəfər yaralanıb.

Minval.İnfo Report-a istinadən xəbər verir ki, 1953-cu il təvəllüdlü Qızlavar kənd sakini Ağayev Ağaddin Nuru oğlu güllələnmə diaqnozu ilə Masallı Rayon Mərkəzi Xəstəxanasına gətirilib.

Cərrahi əməliyyat zamanı onun bədənindən 4 güllə çıxarılıb.

Hadisənin münaqişə zəminində baş verdiyi bildirilir.

Qeyd olunur ki, zərərçəkmiş Rusiyada müəyyən şəxslərlə ədavətdə olub və bu səbəbdən Azərbaycana qaçıb. Lakin sözügedən şəxslər onu təqib edərək Masallıda güllələyiblər.

Faktla bağlı araşdırma aparılır.