Şəbnəm Tovuzlu 120 min dollarlıq maşınından danışdı: “Mənim həyat yoldaşım…”
Müğənni Şəbnəm Tovuzlu 120 min dollar avtomobili ilə bağlı yayılan xəbərlərə münasibət bildirib.
Minval.info xəbər verir ki, Şəbnəm yazılan sözlərə görə qəzəblənib.
Ş.Tovuzlu deyib ki, bəzi sayatlar, səhifələr səviyyəsiz başlıqla haqqında məlumat paylaşır:
Yazırlar ki, “Şəbnəm 150 minlik maşını necə alıb?” Mən 5 illik toylardan qazancımı efirlərə, mahnılara sərf etdim ki, tanınım, tanınmış sənətçi olum. Allaha min şükür bu arzuma çatmışam. Son 3 ildə də Rusiyada, Azərbaycanda yaxşı məbləğlərə toylara gedirəm. Bir ayda 10 toy oxuyuram. 5 aya bu maşını əlbəttə ki, ala bilərəm. Burada təəccüblü heç nə yoxdur.
Həm də mənim həyat yoldaşım var. Lazım olar, çatmayan məbləği o düzəldər. Bunu niyə böyürdürsünüz? Mən bu qədər efirlərə çıxmışam, reklamlara pul xərcləmişəm ki, 200 manata toy oxuyum? Bəli, bu məbləğə toya gedənlər bu maşını ala bilməz.
Mənim də 200 manata toy oxuduğum vaxtlarım olub. Amma ataların bir sözü var, “səndən hərəkət, məndən bərəkət”. Çalışdım, qazandım. Mənim ailəm mənə milyonlardan dəyərlidir. Amma biz xalq çörəyi yeyirik, xalqımız gözəl yaşasın ki, biz sənətçiləri də yaşayaq. Səsim mənim biznesimdir.
Bunu da deyim ki, mən oxumasam istədiyim maşını sürərəm. Çünki yoldaşım var. Nə qədər ki, dəvətlər var, oxuyacağam. Görsəm ki, artıq mənim zamanım bitib, oturaram evimdə, balalarıma baxaram, onlarla bol vaxt keçirdərəm. Atamız da bizə baxar”.
Minval.info