Şəkidə mikroavtobus “Prado” ilə toqquşdu: 9 yaralı

Şəki şəhərində 9 nəfərin xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, hadisə səhər saatlarında İsmayıllı-Qaraməryəm-Şəki magistralının yolun Şəki rayonu Köbər Zəyzid kəndi ərazisindən keçən hissəsində olub.

99-HD-777 dövlət qeydiyyat nişanlı “Toyota Prado” markalı avtomobillə “Mercedes Vito” markalı mikroavtobus toqquşub.

Nəticədə 9 nəfər bədən xəsarətləri ilə Şəki Rayon Mərkəzi Xəstəxanasına çatdırılıb.