Sənədli film çəkmək üçün getdiyi qəbilədə zorla evləndirildi – FOTOLAR

İngiltərədən Ekvatora sənədli film çəkmək üçün yola çıxan Sara Begum heç gözləmədiyi bir hadisə ilə qarşılaşıb.

Minval.info məlumat verir ki, Sara Begum benzin şirkətlərinin Hauroani qəbiləsinin yaşadığı bölgəyə verdiyi zərəri görüntüləmək istəyib.

3000 üzvü olan qəbilə Saranı yaxşı qarşılayıb. 2 həftə ərzində qəbilə ilə birlikdə yaşayan qadın birdən-birə özünü qəbilənin sərkərdəsi ilə evlənən yerdə tapıb.

Qəbilə üzvləri jurnalistə milli geyimlərini geyindirib, ənənəvi çiça adlı içkilərindən içirdiblər. Begum daha sonra özündən 30 yaş böyük Ginkto adlı döyüşçü ilə evləndirildiyini anlayıb.

195-ci ildə Hauroani qəbiləsi missionerlik fəaliyyəti üçün gələn 5 amerikalını öldürmüşdü. Begum öldürülmədiyi üçün nə qədər xoşbəxt olsa da, zorla bu qəbiləyə gəlin getməsi onu çox qorxudub.

Nəhayət, bütün bu toy mərasiminin Saranın onlar üçün göstərdiyi fəaliyyəti qiymətləndirmək üçün rəmzi məna daşıdığı bəlli olub.

Qəbilə həyatından çox şey öyrənən jurnalist, həmçinin kənd əhalisinə texnologiyadan istifadəni öyrədib.

Belə ki, qəbilənin üzvləri ayda bir dəfə yaxınlıqdakı şəhər mərkəzinə gedərək Saraya elektron məktub göndərirlər. Beləliklə, Sara öz “ərinin” qohumları ilə rahat əlaqə saxlaya bilir.

Dəniz

Minval.info