Saakaşvilinin həbs xəbəri yayıldı
Ukrayna xüsusi təyinatlıları Gürcüstanın sabiq prezidenti, Odessanın keçmiş qubernatoru Mixail Saakaşvilinin olduğu otelə basqın ediblər.
Minval.info xəbər verir ki, bu barədə Kiyev polisinin nümayəndəsi David Sakvarelidze öz “facebook” hesabında məlumat yayıb.
Onun sözlərinə görə, Saakaşvili həbs edilib.
Qeyd edək ki, Ukrayna Ədliyyə naziri Pavel Petrenko bu gün ölkənin baş prokurorunun Saakaşvilinin ekstradisiya məsələsinə baxacağını açıqlamışdı.
***
Ukrayna Təhlükəsizlik Xidməti Gürcüstanın sabiq prezidenti, Odessanın keçmiş qubernatoru Mixail Saakaşvilinin “Alfa” xüsusi təyinatlıları tərəfindən həbs edilməsi barədə xəbəri təkzib edib.
Minval.info Teleqraf.com-a istinadən bildirir ki, bu haqda “RİA Novosti” xəbər verib. Ukrayna Təhlükəsizlik Xidmətinin mətbuat katibi Yelena Qitlyanskaya məlumatı yalanlayıb:
“Bu xəbər həqiqəti əks etdirmir”, – Qitlyanskaya deyib.
Saakaşvilinin silahdaşı, Ukrayna Ali Radasının deputatı Yuriy Derevyanko isə Saakaşvilinin hazırda Fairmont Grand Hotel-də olduğunu bildirib. O, özünü Dövlət Sərhəd Xidmətinin əməkdaşları kimi təqdim edən şəxslərin isə mehmanxana binasını tərk etdiklərini vurğulayıb
Minval.info