Sevgilisinə baxdığı üçün bıçaqladı – 1 il sonra – VİDEO
Türkiyənin Samsun şəhərində 3 gün öncə hərbi xidmətdən tərxis olunan Eren Kesencini bıçaqlayan 19 yaşlı gəncə hökm oxunub.
Minval.info Türkiyə mediasına istinadən xəbər verir ki, məhkəmədə ifadə verən Tayfun Aydın Ereni 1 il öncə sevgilisinə baxdığı üçün öldürdüyünü deyib:
“Eren Kesenci qonşu məhəllədə yaşadığı üçün onu tanıyıram. Bir il əvvəl sevgilimlə parkda oturanda, Erenin ona baxışlarından narahat oldum. Buna görə də, ona nifrət bəsləməyə başladım. Hətta əsgərliyə gedəndə ona “İnşallah şəhid olarsan” da demişdim. Əsgərlikdən qayıtdıqdan sonra hadisə günü yolda qarşılaşdıq. Mənə tərs-tərs baxdı. Evə gedib bıçağımı götürüb onun evinin qarşısına getdim. Onu evdən çıxması üçün səslədim və çıxanda bıçaqla hücum etdim. Baş verəm hadisələrə görə peşmanam”.
Tayfunla birgə həbs edilən 16 yaşlı dostu A.Ö isə hadisədə sadəcə şahid olduğunu bildirib:
“Əlində bıçaq olduğunu görəndə onun ardınca getdim. Əngəl olmağa çalışdım ancaq bir anda onu bıçaqladı” deyib. Məhkəmə prosesinin yekununda “qəsdlə adam öldürmək” maddəsi ilə Tayfun Aydın həbs edilib, dostu isə şərti azadlığa buraxılıb.
Minval.info