“Starbucks” işçisinin kobud səhvinə görə 8 min filialını bağlayır

“Starbucks”-ın 8 min filialı bağlanacaq

Ötən həftə məşhur qəhvə şəbəkəsi “Starbucks”-ın ABŞ-ın Filadelfiya şəhərində yerləşən filialında iki qaradərili şəxsə qarşı hörmətsizlik olmuşdu.

Kafenin işçisi polis çağıraraq qaradərili müştərini məkandan çıxartdırmışdı. Bundan sonra “Starbucks”-a qarşı irqi ayrı-seçkilik etdiyi üçün etirazlar yüksəlmişdi.

Minval.info xəbər verir ki, “Starbucks” bu hadisədən sonra 8 mindən çox filialını bir günlük bağlamaq qərarı alıb. Belə ki, ABŞ-da yerləşən bütün filiallar 29 mayda bağlanacaq və işçilərə irqçiliyə qarşı aid dərslər keçiriləcək.

Qaradərili şəxslərə qarşı mənfi münasibət göstərilməsi məşhur şirkətin imicinə zərər vurub və bir çox fəal “Starbucks”-u boykot etməyə səsləyib.

Minval.info