Sürücünü hədələyib pulu alanlar tutuldu

Avqustun 27-də Bakı şəhər sakini T.Qəhrəmanov Binəqədi Rayon Polis İdarəsinin 4-cü Polis Şöbəsinə müraciət edərək həmin gün saat 5 radələrində F.Rüstəmov küçəsində idarə etdiyi “KİA” markalı avtomobilə sərnişin qismində oturmuş 2 nəfər onu naməlum əşya ilə hədələyərək 278 manat pulunu aldığını bildirib.

Daxili İşlər Nazirliyinin mətbuat xidmətinən “Minval.info”ya verilən məlumata görə, müraciətlə əlaqədar müvafiq araşdırmalar aparılıb. Dərhal başlanmış əməliyyat-axtarış tədbirləri ilə quldurluğu törətməkdə şübhəli bilinən paytaxt sakinləri Ə.Qənbərov və C.Qənbərov qısa müddətdə müəyyən edilərək polis əməkdaşları tərəfindən saxlanılıblar.

Faktla bağlı Binəqədi Rayon Polis İdarəsində araşdırma aparılır.