“Tarixi öpüş” fotosundakı ABŞ əsgəri həyatını itirdi…

İkinci Dünya Müharibəsi bitdikdən sonra çəkilən tarixi fotonun qəhrəmanı vəfat edib.

Minval.info xəbər verir ki, söhbət ölkəsinə qayıdan amerikalı əskər George Mendonsanın Nyu-York da “Times” meydanında tibb bacısını öpməsi səhnəsindən gedir. O, 95 yaşında həyatını itirib.

Mendonsanın qızı Şaqron Moller açıqlamasında Rode İsland əyalətində yaşayan atasının bazar günü öldüyünü bildirib.

Müharibədən sonra ölkəsinə qayıdan əskərin tibb bacısını öpdüyü foto İkinci Dünya Müharibəsinin bitməsinin simvolu olaraq tarixə düşüb.

Fotodakı tibb bacısı Qreta Zimmer Fraydman isə 2016-cı ildə 92 yaşında həyatını itirib.

Foto müharibənin bitməsinin qeyd olunduğu “Times” meydanında Alfred Eisenstaedt tərəfindən çəkilib.

Aysel Məhərrəmova