Tereza Mey bu axşam İngiltərənin baş naziri postunu itirə bilər
Böyük Britaniyanın Mühafizəkarlar partiyasının bir qrup deputatınin təqdim etdiyi, hakim partiyanın lideri və baş nazir Tereza Meyə qarşı etimadsızlıq sənədi yetərincə dəstək alıb.
Avropa.info xəbər verir ki, məsələ ilə bağlı bu gün İcmalar Palatasında səsvermə keçiriləcək.
İcmalar Palatasının 315 deputatından 158 nəfəri baş nazirin əleyhinə səs verərsə, Mey baş nazir postunu itirə bilər. Böyük Britaniyanın ədliyyə naziri Devid Qok xəbərdarlıq edib ki, əgər səsvermənin nəticələri Meyin ziyanına olacaqsa, o zaman Brexit məsləsini təxirə salmalı olacaq.
Mey isə bəyan edib ki, hökumət başçısı postundan onu kənarlaşdırmaq cəhdlərinə qarşı sonadək mübarizə aparacaq. Mey təsdiq edib ki, onu istefa riski altında saxlamaqla Böyük Britaniyanın Avropa İttifaqından çıxmağını təxirə salmağa çalışırlar.
“İndiki məqamda Mühafizəkar partiyanın liderinin dəyişdirilməsi ölkəmizin gələcəyini təhlükə altına sala bilər, qeyri-müəyyənlik yarada bilər. Çətin olsa da biz bunu özümüzə rəva görə bilmərik. Brexitin təxirə salınması və ya dayandırılması milli maraqlarımıza cavab vermir”- Tereza Mey bildirib.
Qeyd edək ki, T. Mey noyabrın 14-də Böyük Britaniya hökumətinin Avropa Birliyi ilə Brexitin şərtlərini müəyyən edən saziş layihəsini təsdiq etdiyni bəyan edib. Bundan sonra Britaniyanın Brexit məsələləri üzrə naziri Dominik Raab və Şimali İrlandiya məsələləri üzrə naziri Şeyleş Vara AB ilə Brexitin şərtləri haqqındakı saziş məsələsində fikir ayrılığı olduğunu qeyd edərək istefaya getdiklərini bəyan ediblər.