Tokio olimpiadasının Təşkilat Komitəsinin üzvündə koronavirus aşkarlandı

Yaponiya Futbol Assosiasiyasının prezidenti Kodzo Tasima koronavirusa yoluxub.

“Report” “Kyodo” agentliyinə istinadən xəbər verir ki, 63 yaşlı funksionerin testi müsbət nəticələnib. Yaponiya Milli Olimpiya Komitəsinin vitse-prezidenti və Tokio-2020 Yay Olimpiya Oyunlarının Təşkilat Komitəsinin üzvü olan Tasimanın səhhəti ilə bağlı məlumat yoxdur.

Qeyd edək ki, Tokio-2020 24 iyul – 9 avqustda keçirilməlidir.