Tolik: “O müdirə işdən çıxarılmalıdır”

Xəbər verdiyimiz kimi, 162 nömrəli tam orta məktəbin direktoru Sevinc Abbasovanın səs yazısı sosial şəbəkələrdə geniş müzakirələrə səbəb olub.

“Minval.info” xəbər verir ki, intihar edən məktəbli Elina haqqında direktorun nalayiq ifadələr işlətməsi aparıcı Tarix Əliyevi də qəzəbləndirib. Tolik həmin müdirənin işdən azad edilməsi gərəkdiyini qeyd edib:

“Bu müdirəni işdən çıxarsınlar. Sən kimsən, boşanmış ailələrin övladlarına pozğun deyirsən? Təhsil Nazirliyi bu xanımı işdən azad edər. Sən müdirə adına layiq deyilsən. Mən bu məsələni sabah efirimdə işıqlandıracağam. Uşaqlar məktəbə təhsil almağa gedir. Belə müdirələr məktəblərdən azad edilməlidir”.

Minval.info