Türkiyədə işsizlərin sayı 500 min nəfərdən çox artıb – İŞSİZLİK 12%-Ə YÜKSƏLİB

Türkiyə Statistika Təşkilatının (TÜİK) statistikalarına görə, ölkədə işsizlik İyulda 12%-ə yüksəlib.

Minval.info xəbər verir ki, İyun ayında işsizlik 10,6% olmuşdu.

Türkiyədə yaşı 15 və daha yuxarı vətəndaşlar arasında işsizlərin sayı 2021-ci ilin İyul ayında ötən ilin eyni ayı ilə müqayisədə 506 min nəfər artaraq 3 milyon 902 min nəfər təşkil edib.