Türkiyədə skandal – Oyunların nəticələri şübhə altında…
Türkiyə Super Liqasında qalmaqallı hadisə baş verib.
Minval.info xəbər verir ki, “Super Toto” şans oyunları idarəçilik üçün tender elan edib. Bir çox şirkət tenderə qatılsa da, iki şirkət sona qalıb. Bunlar “İnteltek (Türkcell-Intralot)” və “Şans Girişim Demirören”dir.
“Super Toto” rəsmi mərc qurumudur və tender bu qurumun idarəsi üçün elan edilir. Tenderdə qalib gələn mərc şirkəti müqavilə boyunda şirkəti idarə edir, qazancdan bir miqdar paya sahib olur. Tenderdə isə ən az faiz tələb edən şirkət qalib gəlir. Hazırda “İnteltek (Türkcell-Intralot)” 0.5, “Şans Girişim Demirören” isə 0.2 faiz təklif edib.
Qərar 5 gün içində qəbul ediləcək. Buna baxmayaraq artıq təklifə görə qalib olan şirkət demək olar ki, bəllidir. Bu, “Şans Girişim Demirören” olacaq. Əgər şirkət qalib gələrsə illik 37 milyon TL gəlir əldə edəcək. Məsələnin qalmaqallı tərəfi budur ki, “Şans Girişim Demirören” şirkəti Türkiyə Futbol Federasiyasının prezidenti Yıldırım Demirörenə aiddir. Bu da futbolsevərlər arasında müzakirələrə səbəb olub.
Oyunlara təsir edəcək vəzifəyə sahib şəxsin həm də mərc şirkətinə 10 illik nəzarət etməsi matçların nətcilələrini şübhə altına sala bilər.
Hər şey 5 gün içində bəlli olacaq.
Minval.info