Türkiyəli məşhur professor “COVİD -19”un dərmanını tapdığını açıqlayıb – FOTO
Koronavirusun müalicəsi üzərində komandası ilə laboratoriyada tədqiqatlar aparan professor-doktor Ercüment Ovalı bu gün cəmiyyəti həyəcanlandıran açıqlama verib.
O qeyd edib ki, son 1 ayda laboratoriyada üzərində çalışdığı bir dərman artıq uğur qazanıb və bunu ən qısa müddətdə sınaqdan keçirmək lazımdır. “Dərman (Dornoz Alfa) o qədər təsirlidir ki, insanların həyatını qurtara bilər” – deyə Ovalı tvitter açıqlamasında bildirib.
Qeyd edək ki, bundan öncə də E.Ovalı Hürriyyət qəzetinin köşə yazarı Nedim Şenerə müsahibəsində “1 ay ərzində bütün dünya çalışmalarımızın hansı nəticə verdiyini 23 apreldə görəcək” demişdi. Bu gün isə tvitter hesabındakı açıqlamada bildirib ki, 23 apreli gözləməklə insanların həyatından daha bir neçə günün itməsini istəmir.
Qeyd edək ki, E.Ovalının bu açıqlaması həmkarları tərəfindən tənqidlə qarşılanıb.
1 aydır lab.da çalıştığımız bir ilacın ismini 23 nisanda açıklayacaktık ancak o kadar etkili duruyorki insanların hayatını kurtarabilir. Insanların hayatından gün çalmak istemedik..Acilen Dornaz alfa hastaların tedavisinde klinik testlere alınmalı. Kahramanlarima tesekkur ederim
— Ercüment Ovalı (@ercumentovali) April 16, 2020