Ucar rayon sakininin evindən 38 çətənə kolu aşkarlanaraq götürülüb

Ucar şəhər sakini R.İsrayılovun yaşadığı evdən kultivasiya yolu ilə yetişdirilən 38 çətənə kolu rayon polis şöbəsi əməkdaşlarının keçirdikləri “Xaşxaş-2021” şərti adlı kompleks əməliyyat-axtarış və profilaktik tədbirlər nəticəsində aşkarlanaraq götürülüb.

Daxili İşlər Nazirliyinin mətbuat xidmətindən Minval.info-ya verilən məlumata görə, hadisə ilə bağlı Ucar Rayon Polis Şöbəsi tərəfindən araşdırma aparılır.