Ukrayna Almaniyadan dəstək istəyib: “Müasir silahlar lazımdır” – FOTO

Ukrayna Ali Radasının sədri Ruslan Stefançuk Berlində Almaniya kansleri Olaf Şolzla görüşüb və onu Kiyevə hərbi dəstəyi artırmağa çağırıb.

“Minval.info” xəbər verir ki, görüş zamanı Stefançuk Şolzu Rusiyanın təcavüzünün qarşısını almaq üçün Ukraynanı müasir alman silahları ilə təmin etməyə çağırıb.

“Əlbəttə, bizə ilk növbədə müasir silahlar lazımdır. Biz köhnə silahlarla da döyüşə bilərik, lakin yeni silahlar daha effektivdir. Ona görə də, biz həm (zirehli transportyorlar) Marder, həm də (tank) Leopard gözləyirik”, – Stefançuk bildirib.

Berlinə səfəri çərçivəsində Ali Radanın rəhbəri Almaniya prezidenti Frank Valter Ştaynmayerlə də görüşəcək.

Paşa

Minval.info