Ukrayna pensiya fondunda “dəlik” aşkar edilib
UNİAN-nın verdiyi məlumata görə, Ukrayna hökuməti 139 milyard qrivna (4,85 milyard dollar) məbləğində dotasiyalarla borcların ( və ya kəsrlərin) ödənilməsi üçün 2018-ci ildə ölkənin pensiya fondunun büdcəsini təsdiq edib.
Minval.İnfo xəbər verir ki, Ukraynanın sosial siyasət nazirliyinin məlumatına əsasən, dövlətin pensiya proqramlarının maliyyələşdirilməsinə dövlət büdcəsindən 139,3 milyard qrivna ( 4, 85 milyard dollar) həcmində vəsait ayrılıb.
“Ukrayna pensiya fondunun vəsaitləri mövcud qanunvericiliyə əsasən, imkan verir ki, nəzərdə tutulmuş şəkildə pensiyaların artırılması, pensiya kəsirinin ödənilməsi həyata keçirilsin” – deyə, məlumatda bildirilib.
Qeyd edək ki, pensiya fondunun ümumi büdcə gəliri 353,6 milyard qrivna ( 12,3 milyard dollar), xərci isə 345,8 milyard qrivna (12,1 milyard dollar) təşkil edir. Ötən ilin oktyabr ayında Ukraynanın Ali Radası pensiya islahatları haqqında qanunu müsbət qarşılayıb. Beynəlxalq valyuta fondunun tələblərindən biri də Ukraynaya növbəti ildə kreditlərin verilməsi üçün qanunda sözügedən islahatlar olub.
2017-ci ildə Ukraynanın pensiya fondunun gəliri 284 milyard qrivna ( 9,9 milyard dollar), defitsitlərin ödənilməsi üçün dotasiyaların məbləği isə 141 milyard qrivna ( 4,9 milyard dollar) həcmində olub.
Zeynəb Əkbər
Minval.İnfo