Əvəz Zeynalının həbsinə səbəb olan Rasim Məmmədovun cəzası yüngülləşdirildi

Məhkəmə Rasim Məmmədovun “srok”unu 3 ay azaltdı

Bakı Apellyasiya Məhkəməsində “Baku Steel Company”nin sabiq rəhbəri Rasim Məmmədovun apellyasiya şikayətinə baxılıb.

Musavat.com-un xəbərinə görə, hakim Habil Məmmədovun sədrliyi ilə keçirilən iclasda birinci instansiya məhkəməsinin hökmü cəza hissəsində dəyişdirilib. Məhkəmənin qərarına əsasən, Rasim Məmmədovun həbs müddəti 3 ay azaldılıb.

Hökmün müsadirə olunmuş əmlaklarla bağlı hissəsindən Böyük Britaniya şirkəti “Baumant Sales LLP” də şikayət vermişdi. “Baumant Sales LLP” iddia edir ki, Rasim Məmmədov haqqında çıxarılmış hökm onların da marağına toxunur. Rasim Məmmədova qarşı hökmü Bakı Ağır Cinayətlər Məhkəməsi çıxarıb. Ona 14 il cəza verilməklə yanaşı, onun özünün və yaxınlarının adına olan bir xeyli əmlaklar da müsadirə olunub. Xarici şirkət hökmün məhz əmlak müsadirəsi ilə bağlı hissəsindən şikayət verib. Müsadirə olunan əmlaklar arasında çoxsaylı torpaq sahələri, bağ evləri, mənzillərlə yanaşı, “Bakı Oksford Məktəbi”nin, “Baku Non Ferrous And Foundry Company”nin əmlakları da var. Baumant Sales LLP iddia edir ki, “Baku Non Ferrous And Foundry Company”nin müsadirə olunmuş əmlaklar siyahısına daxil edilməsi onların maraqlarına ziddir. Çünki bu şirkətin onlara 15 milyon 689 min dollar borcu var. Həmin vəsaitin “Baku Non Ferrous And Foundry Company”ə kredit kimi verildiyi bildirilir. Xarici şirkət iddiasını belə əsaslandırıb: “Tərəflər arasında 16 dekabr 2022-ci ildə mediasiya mərhələsində barışıq sazişi bağlanıb. “Baku Non Ferrous And Foundry Company”nin əmlakının xüsusi müsadirə olunması “Baumant Sales” LLP-nin maraqlarına kreditor olaraq ziddir, onun mülkiyyət hüquqlarını pozur”. “Baumant Sales” LLP də maraqlı şəxs statusunda bu hökmdən şikayət vermək istəsə də, öncə onun şikayəti qəbul edilməyib. Əsas kimi isə göstərilib ki, apellyasiya şikayəti vermək üçün qanunda göstərilən müddəti ötürüb. Qanuna görə, hökmü əldə edəndən sonra 20 gün ərzində apellyasiya şikayəti verilə bilər. Şirkətin nümayəndəsi bu hökmün onlara verilmədiyini, məsələdən gec xəbər tutduqlarını əsas gətirsə də, müddət bərpa olunmayıb. Müddətin bərpası haqda müraciətə Bakı Ağır Cinayətlər Məhkəməsində Rasim Məmmədovun işi üzrə hökm çıxarmış hakim Leyla Əsgərova-Məmmədova baxıb və xarici şirkətə “yox” deyib. Qərarını da belə əsaslandırıb ki, məhkəmənin öz hökmünü maraqlı şəxslərə, yaxud da onların nümayəndələrinə vermək kimi bir vəzifəsi yoxdur. Onun çıxardığı həmin qərardan şirkət apellyasiya şikayəti verib. Mayın 26-da Bakı Apellyasiya Məhkəməsində “Baumant Sales” LLP-nin şikayətinə baxılıb. Hakim Habil Məmmədov müddəti bərpa edib. Apellyasiya məhkəməsi birinci instansiyanın hakiminin arqumentini də əsassız sayıb. Qərarda vurğulanıb ki, “Baumant Sales LLP”nin nümayəndəsi Rasim Məmmədovun işinə Bakı Ağır Cinayətlər Məhkəməsində baxılanda iştirak etməyib. Həmin iş üzrə məhkəmənin hökmü həmin şirkətin nümayəndəsinə elan olunmayıb. Belə olan halda, o, hökmdən xəbərsiz qalıb. Bu üzdən buraxılmış müddət üzrlü sayılmalıdır. 2021-ci ilin yanvarından həbsdə olan Rasim Məmmədova 2022-ci il dekabrın 28-də Bakı Ağır Cinayətlər Məhkəməsində hökm oxunub. Rasim Məmmədov “Baku Steel Company”dən 185 milyon manatlıq yeyintidə təqsirli bilinib. Hökmə əsasən, onun təxminən 70 milyon manatlıq əmlakı da müsadirə olunub. Rasim Məmmədov özünü təqsirli bilmir və apelyasiya şikayətində də ona bəraət verilməsini istəyib.

“Bir adam mənə izah eləmir ki, bütün bunlar niyə baş verir. Mən heç bir cinayət eləməmişəm, ona görə bəraət istəyirəm. Son sözüm budur…”, – Rasim Məmmədov birinci instansiya məhkəməsində son sözündə belə demişdi. Onun sözlərinə görə, öz zavodunun vəsaitlərini mənimsəməkdə ittiham olunması absurddur. O vurğulayıb ki, 2011-ci ildə “Baku Steel Company” ilə bağlı Prezident Administrasiyasının rəhbəri Ramiz Mehdiyev və Prezidentin şəxsi mühafizə xidmətinin rəisi Bəylər Əyyubovla üçlükdə müzakirə aparıb, müəyyən məsələləri razılaşdırıblar. Sonradan zavodun gəlirləri də həmin razılaşma əsasında bölünüb. Bu razılaşmadan az sonra Rasim Məmmədov qandallanıb. Buna baxmayaraq, onun adına bağlı olan metallurgiya sahəsindəki cinayətlər bu günə qədər araşdırılmayıb.

Bakı Apellaysiya Məhkəməsi “Baumant Sales LLP”nin də şikayətini əsassız hesab edib.

Qeyd edək ki, Rasim Məmmədov DTX-nin keçirdiyi əməliyyatla həbs edilib. O, Bakı Ağır Cinayətlər Məhkəməsinin hökmü ilə 185 milyon manatlıq yeyintidə təqsirli bilinərək bilinib. 14 il azadlıqdan məhrum edilib. Bundan əlavə onun Bakı Oksford Məktəbinin binası da daxil olmaqla 70 milyonluq əmlakı müsadirə olunub.

Ölkə, Vacib

Nəşr edilib: 2023/06/06 14:40

Baxış:91


XƏBƏR LENTİ

2024/07/23 14:07

2024/07/22 22:21

2024/07/16 11:46

2023/06/06 14:40

2024/07/16 0:08

2024/07/15 15:25

2024/07/15 0:09

2024/07/14 15:16

2024/07/13 13:42

2024/07/13 13:40

2024/07/09 16:35

2024/07/09 12:06

2024/07/09 11:56

2024/07/08 12:49

2024/07/04 16:10

2024/07/04 15:36

2024/07/01 16:09

2024/07/01 16:06

2024/07/01 15:11

2024/06/27 14:39

2024/06/27 11:29

2024/06/26 12:51

2024/06/25 17:32

2024/06/25 15:46

2024/06/24 12:33

2024/06/21 12:18

2024/06/20 14:07

2024/06/14 14:16

2024/06/14 14:14

2024/06/14 14:13

2024/06/13 12:53

2024/06/10 17:59

2024/06/10 17:56

2024/06/06 12:38

2024/06/06 12:24

2024/06/06 12:22

2024/06/06 12:19

2024/06/06 12:15

2024/06/06 11:59

2024/06/06 11:54

2024/06/06 11:44

2024/06/06 11:40

2024/06/04 14:05

2024/06/04 13:58

2024/06/04 13:38

2024/06/04 13:16

2024/06/04 13:05

2024/06/04 12:55

2024/06/04 12:44

2024/06/04 12:33