Vaqif Əsədov: “Yanğın zamanı kül olmuş avtomobillər istifadəyə tam yararsız idi”
Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov bu gün Bakıdakı cərimə meydançasında 50-yə yaxın avtomobilin yanması ilə bağlı dəyən ziyanın ödənilməsi məsələsinə münasibət bildirib.
V.Əsədov “Ölkə.Az”a açıqlamasında deyib ki, yanğın zamanı kül olmuş avtomobillər istifadəyə tam yararsız olub:
“Mən deməzdim ki, cərimə meydançasında çıxan yanğın zamanı avtomobillərə zərər dəyib. Sualın bu cür qoyulması ilə də razı deyiləm. Əgər hər hansı vətəndaş yaxınlaşıb desə ki, mənim maşınımın metalı qızıldan idi, təkərləri müasir tələblərə uyğun idi və sairə, bu zaman “zərər dəyib” yazarsınız:
“Müvəqqəti mühafiə olunan duracağa bitişik olan zibilxanada yanğın hadisəsi baş verib. Zibilxanada çıxan yanğın istifadəyə tam yararsız olan və sahibləri tərəfindən unudulan əzik avtomobillər olub. O ərazi kiçikdir. Avtomobillər də yanaşı olduğu üçün yanıblar”.
V.Əsədov qeyd edib ki, ötən il həmin yerdə saxlanılan 8 avtomobil sahibinə müraciət edilib:
“Onlara müraciət edilib ki, gəlib maşınlarını aparsınlar. Ancaq onların heç biri gəlib maşınını aparmayıb. Həmin maşınlar istifadəyə tam yararsız olub”.