“Victorias Secret”i qadınları istismar etməkdə günahlandırdı

Avstraliyalı model Bridcit Malkolm 2015 və 2016-cı illərdə çalışdığı “Victoria’s Secret”in tələbləri ilə bağlı qalmaqallı açıqlama verib.

Minval.info xarici mediaya istinadən xəbər verir ki, Bridcit moda şirkətinin qadınları istismar etdiyini və həddindən artıq arıq olmaları üçün onlara təzyiq göstərdiyini söyləyib.

O, arıqlamaq üçün ac qaldığını, yalnız su içdiyini və bu səbəbdən sağlamlıq vəziyyətinin pisləşdiyini vurğulayıb:

“Qıda rejimim pozulmuşdu. Narahatlığı aradan qaldırmaq üçün qəbul etdiyim dərmanlarla ayaq üstə dayanırdım. Panik ataq keçirirdim və halsız idim. 3 gün yalnız su içdim. 2017-ci ilin əvvəlində pilləkəni ancaq 10 dəqiqəyə çıxa bildiyimin fərqinə varanda, işdən çıxmaq qərarına gəldim”.