Azərbaycanlı video bloqqerlərin çəkdikləri narazılıq doğurdu – “Youtube”dan QADAĞA (Video, Foto)
Video bloqqerlər Taleh Yüzbəyov və Əlixan Rəcəbov bu dəfə çəkdikləri videoya görə tənqid olunublar.
Minval.info xəbər verir ki, aktyorlar sosial şəbəkədə reklam xarakteri daşıyan yeni iş təqdim ediblər. Lakin bu dəfəki video birmənalı qarşılanmayıb və insanların bəzilərinin narazılığına səbəb olub.
Belə ki, reklam çarxının sonunda Əlixan Rəcəbovun başından güllə ilə vurulması canlandırılıb. Bu zaman yerə yıxılan aktyordan al-qana boyanıb.
Video bloqqerlərin aktyorluq qabiliyyəti alqışlansa da, ümumilikdə görüntülərdə qanın olması tənqidə tuş gəlib.
Hətta izləyicilərdən biri rəy bölməsinə Ə.Rəcəbovun həqiqətən yaralandığına inandığını yazıb.
Qeyd edək ki, video “Youtube”a yerləşdirilsə də görüntülərdə saytın qaydalarına uyğun olmayan kadrlar yer aldığı üçün oradan silinib.
Samir M. / Minval.info
