Xocalıda çəkilən foto ilə bağlı GERÇƏK… – FOTO

Dünəndən bəri sosial şəbəkədə Xocalıda erməni vəhşiliyinin qurbanı olanların fotosu və videoları yayılır.

Minval.info xəbər verir ki, bu şəkillərdən biri paylaşılarkən yanlışlığa yol verilib. Belə ki, Xocalı sakinin hadisələr baş verən tarixdəki və indiki fotosu səhifələrdə yer alarkən onlar barədə informasiya səhv çatdırılıb.

Söhbət sizə təqdim etdiyimiz şəkildən gedir. Bu foto barədə məlumat verilib ki, əlində körpə olan kişi ilə yanındakı gənc oğlan ata və oğludur. Bununla yanaşı qeyd edilib ki, azyaşlı həmin kişinin nəvəsidir. Əslində isə bu, belə deyil. Fotodakı kişi İlham Quliyev və onun yanında dayanan gənc bacısı oğlu Etibar Quliyevdir. Çox təəssüf, Xocalıda çəkilən görüntülərdəki körpə erməni vəhşiliyinin qurbanı olub.

Etibar Quliyevin babası Allahverdi Quliyev də qanlı hadisədə həlak olanlardan biridir. Erməni terrorçuları rayona hücum edərkən Allahverdi kişi Xocalını tərk etmir və orada dünyasını dəyişir. Yaxınları deyir ki, A.Quliyev dindar insan olub və cümə günləri cümə namazı qılmaq üçün Ağdam rayonuna gedərdi.

Samir Mirzə / Minval.info

Allahverdi Quliyev