Yanğından zərərçəkənlər “Diqlas”in qarşısını tərk edirlər

“Diqlas” ticarət mərkəzindəki yanğında zərərçəkən sahibkarlar artıq ticarət mərkəzinin qarşısını tərk etməyə başlayıblar.

Musavat.com xəbər verir ki, hazırda ticarət mərkəzinin idarəçilərindən olan Rasim Məmmədov zərərçəkənlərlə danışıq aparır. O, yanğından zərər çəkənlərə bildirir ki, burada dayanmağın heç bir mənası yoxdur:

“Ölkə prezidentinin tapşırığı ilə sizə dəyən zərər dövlət tərəfindən ödəniləcək. Bunun üçün komissiya da yaradılıb. Ona görə də bura toplaşmağın heç bir mənası yoxdur. Hər kəs öz evini getsin, rahat olsun. Hamınızın nömrəsi bizdə var. Yaxın zamanda sizə zəng edəcəyik. Ancaq onu da deyim ki, kim mənsiz, özbaşına harasa gedəcəksə, onun sənədinə imza çəkməyəcəyəm, dövlət tərəfindən ödənilən vəsaiti ala bilməyəcək. Gəlin dövlətimizin dediyi kimi, sistemli qaydada iş görək. Belə edərsək, hər şey yoluna qoyulacaq”.

R. Məmmədovun bu sözlərindən sonra zərərçəkənlərin bir qismi ərazini tərk edib.