Yevlaxda piyadanı avtomobil vurdu

Yevlaxda yoldan heyvanları keçirən yaşlı qadını maşın vurub.

Minval.info xəbər verir ki, APA-nın Mingəçevir bürosunun məlumatına görə, hadisə Salahlı kəndi ərazisindən keçən magistralda baş verib.

“Niva” markalı avtomobil yolun digər tərəfinə heyvanları keçirən 1956-cı il təvəllüdlü kənd sakini Qasımova Firəngiz Cəfər qızını vuraraq, ona çoxsaylı bədən xəsarətləri yetirib. Yaralı qadın ətrafdakıların köməyi ilə xəstəxanaya çatdırılıb.

Faktla bağlı araşdırma aparılır.