Yığmamız Millətlər Liqasındakı son matçına çıxır – AFİŞA
Futbol üzrə Azərbaycan millisi bu gün növbəti matçına çıxacaq.
Yığmamız Millətlər Liqasının qrup mərhələsindəki sonuncu oyununu keçirəcək.
Canni De Byazinin komandası Lüksemburqda meydan sahibləri ilə görüşəcək. C liqasının 1-ci qrupunun son turunun qarşılaşması hər iki komandanın taleyinə aydınlıq gətirəcək.
Lüksemburq qrup qalibi kimi B liqasına yüksəlmək uğrunda mübarizə aparır. Millimiz isə sonuncu yerlə C liqasında qalmaq uğrunda pley-offa düşməmək üçün çalışır.
Lüksemburqun Joze Bartel stadionunda keçiriləcək oyun Bakı vaxtı ilə saat 23:45-də başlayacaq.
Qeyd edək ki, qrupun eyni vaxtda başlayacaq digər matçında Monteneqro və Kipr üz-üzə gələcək.
Millətlər Liqası
VI tur, 17 noyabr
C liqası, 1-ci qrup
23:45. Lüksemburq – Azərbaycan
Baş hakim: Feliks Zvayer (Almaniya)
Lüksemburq. Joze Bartel stadionu