Zərrabın yeni səs yazısı üzə çıxdı: Ya yalan söyləməlisən, ya da…
“Halk Bank”ın keçmiş müdir müavini Mehmet Hakan Atillanın ABŞ-da davam edən məhkəməsində üzə çıxan yeni səs yazıları məhkəməni çökdürüb.
Musavat.com-un məlumatına görə, bu barədə Türkiyənin milliyet.com saytı xəbər verib. Məlumata görə, türkiyəli iş adamı Rza Zərrabın dayısı ilə telefon danışığı dəlil olaraq məhkəməyə təqdim olunub. Telefon danışığı 15 sentyabr, 2016-cı ildə baş tutub. Zərrab dayısı Əhəd Xabbaz Tamimi ilə danışarkən bu sözləri işlədib: “Əgər ABŞ-da həbs edilmisənsə, çıxmaq üçün ya yalan danışmalısan, ya da etmədiyin işləri boynuna almalısan. Günahı qəbul etdinsə, azadsan, məsələ budur”.
Səs yazısı məhkəmədə dinlənildikdən sonra Mehmet Hakan Atillanın vəkilləri hakim Bermana etirazlarını bildiriblər. Vəkillər bu halın Zərrabın yalan danışmağa razı olduğunu göstərdiyini bildiriblər.